Við erum HSE Consulting

Tölvupóstfang: eythor(hjá)hse.is

Eyþór er stofnandi HSE Consulting og starfar sem ráðgjafi. Hann er með meistaragráðu í umhverfisverkfræði frá Álaborgarháskóla og hefur unnið að innleiðingu ISO 9001, ISO 14001 og ISO 45001 við innlend og erlend stórfyrirtæki. Eyþór hefur verið í bransanum lengi en áður en HSE Consulting átti hug hans allan æfði hann meðal annars fótbolta með aðalliði Aston Villa og flakkaði um á þyrlu milli olíupalla í Norðursjó.

Tölvupóstfang: thorsteinn(hjá)hse.is

Þorsteinn starfar sem ráðgjafi. Hann er menntaður sem APME verkefnastjóri, býr að víðtækri reynslu af verklegum framkvæmdum og hefur starfað lengi við öryggis- og umhverfismál. Auk þess starfaði Þorsteinn sem slökkviliðsmaður árum áður en í því starfi þjálfaði hann einnig afganska slökkviliðsmenn og stýrði ferla- og áætlanagerð við flugvöllinn í Kabúl. Þorsteinn spilar á gítar og var um sinn liðtækur í hljómsveitum á Suðurnesjum.

Tölvupóstfang: niels(hjá)hse.is

Níels er ráðgjafi og meðeigandi HSE Consulting. Hann hefur stundað nám á meistarastigi við stjórnun öryggis- og heilsumála við Loughborough University ásamt því að vera með BSc gráðu í landfræði. Níels hefur áralanga og víðtæka reynslu sem verkkaupi, verktaki og ráðgjafi við stjórnun gæða-, öryggis-, umhverfis- og sjálfbærnimála. Heimur íþrótta spilar stóran sess í áhugamálum Níelsar og liggur metnaður hans í að aðstoða viðskiptavini og einstaklinga við að ná markmiðum sínum. 

Tölvupóstfang: oskar(hjá)hse.is

Óskar starfar sem framkvæmdastjóri Stellar og SSG Ísland. Hann er menntaður fjármálaverkfræðingur og býr yfir víðtækri reynslu í innviðauppbyggingu hugbúnaðar og gagnaflutningum. Áður en hann tók við núverandi hlutverki starfaði hann í sjálfstæðum rekstri. Óskar er áhugasamur skákmaður og tekur fagnandi við öllum áskorunum á skákborðinu. Ef þú rekst á einhvern ganga á höndum um skrifstofuna, þá er það líklega Óskar að sýna hæfileika sína.

Tölvupóstfang: lea(hjá)hse.is

Lea starfar sem ráðgjafi. Hún er með meistaragráðu í verkefnastjórnun frá Háskóla Íslands og diplómu í Áfallastjórnun frá Háskólanum á Bifröst. Hún nýtir verkefnastjórnun markvisst sem hluta af öryggisstjórnun í öllum verkefnum. Með því að samþætta verkefnastjórnun og áhættustýringu tryggir Lea yfirsýn, skýra ábyrgð og markvissa eftirfylgni á öllum stigum verkefna. Lea leggur mikla áherslu á öryggisvitund bæði í leik og starfi. Ef það sést til starfsmanns á skrifstofunni sem er í sýnileikafatnaði og með persónuhlífar þá er það líklega hún, alltaf með öryggi í forgangi.