Fyrirtæki sem vinna markvisst að öryggisstjórnun skapa sér betri ímynd meðal starfsmanna, hagsmunaaðila og almennings. Skilvirk öryggisstjórnun og stjórnun vinnuverndarmála hefur fjárhagslegan ávinning í för með sér og skapar betra vinnuumhverfi sem dregur úr líkum á vinnuslysum. Góð öryggismenning er þar sem allir taka þátt í að bæta öryggi á vinnustaðnum og felur meðal annars í sér að fyrirtæki sé umhugað um velferð starfsmanna sinna og að stefna fyrirtækisins varðandi öryggi og heilbrigði sé í forgangi.

Við aðstoðum viðskiptavini okkar að greina og móta öryggismenningu með viðurkenndum mælingum. Jafnframt veitum við ráðgjöf við að koma á fót og viðhalda öflugri öryggisstefnu með skilvirku áhættumati, verktakastjórnun, innri öryggisúttektum og atvikastjórnun. Við sérhæfum okkur í innleiðingu á ISO 45001 staðlinum og leiðbeinum viðskiptavinum í sambandi við markmiðasetningu, þátttöku starfsmanna, hæfni og þjálfun sem og gerð neyðaráætlana. Auk þess veitum við ráðgjöf varðandi vinnustaðaúttektir, áhættugreiningar og áhættumat starfa.